nasin toki pi luka pona: nanpa luka luka tu tu - nanpa

 

nasin toki pi luka pona

nanpa luka luka tu tu - nanpa


nasin nanpa ante mute li lon.


--

nasin nanpa nanpa wan - nasin sama toki pona. o toki taso e nanpa pi toki pona.


tp: wan, tu, mute.

lp: WAN. TU. MUTE.


tp: wan, tu, tu wan, tu tu, luka, luka wan, luka tu, luka tu wan, luka tu tu, luka luka, luka luka wan …

lp: WAN. TU. TU WAN. TU TU. LUKA. LUKA WAN. LUKA TU. LUKA TU WAN. LUKA TU TU. LUKA LUKA. LUKA LUKA WAN.




nasin nanpa nanpa tu - palisa luka. nanpa pi palisa luka li sama nanpa. palisa luka ale li pona.


tp: wan, tu, tu wan, tu tu, luka, luka wan, luka tu, luka tu wan, luka tu tu, luka luka
lp: (palisa luka 1), (palisa luka 2), (palisa luka 3), (palisa luka 4), (palisa luka 5) (palisa luka 6) (palisa luka 7) (palisa luka 8) (palisa luka 9) (palisa luka 10)



 

 

nasin nanpa nanpa tu wan - “ijo nanpa n” sama toki pona. o toki e nimi luka ‘NANPA’.


tp: nanpa wan, nanpa tu, nanpa tu wan. nanpa tu tu 

lp: NANPA WAN. NANPA TU. NANPA (palisa luka 3).

 

 

 

nasin nanpa nanpa tu tu - “ijo nanpa n” lon luka ante. luka nanpa tu la, o nanpa e palisa luka sama

nanpa ale. luka nanpa wan la, o tawa e ona tawa palisa luka pi luka nanpa tu.


tp: ijo tu tu li lon. ijo nanpa wan li laso. ijo nanpa tu li loje. ijo nanpa tu wan li walo. ijo nanpa tu tu li pimeja.

lp: IJO (palisa luka 4) LON. (palisa luka nanpa 1) LASO. (palisa luka nanpa 2) LOJE. 

(palisa luka nanpa 3) WALO. (palisa luka nanpa 4) PIMEJA




<<< nanpa luka luka tu wan <<<

>>> nanpa luka luka luka >>>

nanpa ale

Comments

Post a Comment

Popular posts from this blog

nasin toki pi luka pona: open

  nasin toki pi luka pona  open ni li nasin mi taso. mi la, ona li pona lon toki. ijo tan ona li ike tawa sina la, o ante e ona  lon nasin sina. nasin sina en nasin mi li ken ante. luka pona li ken ante lon luka ante. (cw: o sona e ni - toki moku li lon) nanpa ale:   nanpa wan - nimi kule en pi  nanpa tu - la  nanpa tu wan - nimi ijo en nimi pali nanpa tu tu - nimi poka en nimi poka pali nanpa luka  - o nanpa luka wan - a en mute nanpa luka tu - ala nanpa luka tu wan - toki pi wile sona nanpa luka tu tu - nimi luka ‘SEME’ nanpa luka luka - tenpo nanpa luka luka wan - nimi nimi nanpa luka luka tu - nimi ijo mute en nimi pali mute nanpa luka luka tu wan - nimi lili nanpa luka luka tu tu - nanpa nanpa luka luka luka - nimi pali tawa nanpa luka luka luka wan- luka ijo
Read more

luka pona li seme?

luka pona li seme?   mi kama sona e toki pona la, mi lukin e toki ni: "toki pona li jo e toki luka. ona li toki pona luka". ni li pona a tawa mi tan ni: mi jan pi kute meso (kute mi li lon taso li pona ala). tan ni la, toki luka li pona tawa mi. mi sona e toki luka pi ma Pitan. taso mi lukin e toki pona luka la, mi pilin e ni: ona li pona ala. tan ni la, mi ante e ona. taso ante mute li kama. toki sin li kama. ni li luka pona.   toki pona en luka pona li sama ala sama? ona tu li ante li toki ante.  nimi li sama. nimi 'li' en nimi 'e' li lon ala, taso nimi ante ale li lon. nimi ante li ken weka lon wile pi jan toki. taso nasin toki li ante mute.  kin la, luka ijo li lon! luka pona en toki pona o ante tan seme? toki pona li toki uta. ni la, ona li kepeken mute e nasin toki pi toki uta. nasin toki pi toki uta en nasin toki pi toki luka li ante. mi la, luka pona li pona tawa toki pi toki luka.   jan ante o luka pona sama anu seme?   ala! jan li ken jo enasin ant
Read more

nasin toki pi luka pona: nanpa wan - nimi kule en pi

Image
  nasin toki pi luka pona nanpa wan - nimi kule en pi toki pona en luka pona la, nimi kule li sama. nimi ijo li lon nanpa wan. nimi kule li lon nanpa tu. tp: ‘jan’ lp: JAN   tp: ‘jan pona’ lp: JAN PONA     tp: soweli suli lp: SOWELI SULI tp: soweli suli loje lp: SOWELI SULI LOJE nimi luka ‘PI’ li ken lon li ken weka. nimi lili ale li ken weka. sina weka e ona la, o awen lili o toki ala. tp: waso laso pi sona mute lp: WASO LASO PI SONA PONA tp: waso laso pi sona mute lp: WASO LASO _ SONA PONA >>> nanpa tu >>> nanpa ale
Read more