luka pona

 nasin toki pi luka pona nanpa luka luka luka - luka ijo toki li lon tenpo nanpa wan. luka ijo li lon tenpo nanpa tu. tp: jan li tawa tomo. lp: JAN TOMO NI-1 TAWA. [luka ijo jan](li tawa poka NI-1) jan li ken weka e nimi luka mute li ken toki taso e luka ijo. tp: jan li tawa tomo. lp: TOMO NI-1 [luka ijo jan](li tawa poka NI-1) nanpa luka luka tu tu <<< nanpa luka luka luka <<< nanpa ale

 nasin toki pi luka pona nanpa luka luka luka - nimi pali tawa poki pi nimi pali li jo e nasin nasa. nimi lon poki ni li ni: lukin,  utala,  tawa/kama,  pana/lanpan/(tawa e) ona li tawa poka pi kama ona. tp: mi lukin e sina. sina lukin e mi. ona li lukin e ona ante. lp: MI SINA LUKIN(tawa sina). SINA MI LUKIN(tawa mi). ONA-1 ONA-2 LUKIN(tawa poka-2) tp: mi utala e sina. sina utala e mi. ona li utala e ona ante. lp: MI SINA UTALA(tawa sina). SINA MI UTALA(tawa mi). ONA-1 ONA-2 UTALA(tawa poka-2) tp:  mi tawa. mi kama. mi tawa sina.  sina tawa. sina kama. sina kama tawa mi.  ona li tawa. ona li kama. ona li tawa mi. ona li tawa sina. lp:  MI TAWA(tawa poka). MI TAWA(tawa mi). MI TAWA(tawa sina).  SINA TAWA(tawa poka). SINA TAWA(tawa sina). SINA TAWA(tawa mi). ONA TAWA(tawa poka-1). ONA TAWA(tawa poka-2). ONA TAWA(tawa mi). ONA TAWA(tawa sina).   tp: mi pana e ijo tawa sina. mi kama jo e ijo. mi tawa e ijo lp: MI IJO NI PANA(tawa sina). MI IJO NI PANA(tawa mi). MI IJO NI PANA(tawa poka).

  nasin toki pi luka pona nanpa luka luka tu tu - nanpa nasin nanpa ante mute li lon. -- nasin nanpa nanpa wan - nasin sama toki pona. o toki taso e nanpa pi toki pona. tp: wan, tu, mute. lp: WAN. TU. MUTE. tp: wan, tu, tu wan, tu tu, luka, luka wan, luka tu, luka tu wan, luka tu tu, luka luka, luka luka wan … lp: WAN. TU. TU WAN. TU TU. LUKA. LUKA WAN. LUKA TU. LUKA TU WAN. LUKA TU TU. LUKA LUKA. LUKA LUKA WAN. nasin nanpa nanpa tu - palisa luka. nanpa pi palisa luka li sama nanpa. palisa luka ale li pona. tp: wan, tu, tu wan, tu tu, luka, luka wan, luka tu, luka tu wan, luka tu tu, luka luka lp: (palisa luka 1), (palisa luka 2), (palisa luka 3), (palisa luka 4), (palisa luka 5) (palisa luka 6) (palisa luka 7) (palisa luka 8) (palisa luka 9) (palisa luka 10)     nasin nanpa nanpa tu wan - “ijo nanpa n” sama toki pona. o toki e nimi luka ‘NANPA’. tp: nanpa wan, nanpa tu, nanpa tu wan. nanpa tu tu  lp: NANPA WAN. NANPA TU. NANPA (palisa luka 3).       nasin nanpa nanpa tu tu - “ijo

 nasin toki pi luka pona nanpa luka luka tu wan - nimi lili nimi lili ale li lon li ken weka. nimi lili li ni: li e pi la o ala nimi ‘li’ en nimi ‘e’ li weka lon tenpo ale. luka pona la, ni tu li lon ala. nimi luka ‘PI’ li weka la, o awen lili o toki ala. tp: waso laso pi sona mute lp: WASO LASO _ SONA PONA nimi luka ‘LA’ li weka la, o awen suli o toki ala. tp: tenpo moku la, mi moku lp: TENPO MOKU _ _ MI MOKU nimi luka ‘O’ pi nimi pali li weka la, o wawa e nimi pali. tp: o pali lp: PALI(kpk wawa) nimi luka ‘O’ pi wile toki li weka la, o tawa mute e luka sina o toki e ni: “LUKIN(tawa mi)” tp: jan A o, sina pona. lp: (tawa mute luka) JAN ‘A’ (tawa mute luka). SINA LUKIN(kpk wawa). SINA PONA. <<< nanpa luka luka tu <<< >>> nanpa luka luka tu tu >>> nanpa ale

nasin toki pi luka pona nanpa luka luka tu - nimi ijo mute en nimi pali mute nimi ijo mute li lon la, o kepeken e nimi luka ‘NI’ mute. nimi luka ‘NI’ ale o lukin tawa poka ante. tp: mi moku e kili e pan e suwi lp: MI KILI NI-1 PAN NI-2 SUWI NI-3 MOKU ijo tu li pali e ijo la, nasin tu li lon li ni nimi luka ‘EN/KIN/KAN’ en nimi luka ‘NI’ taso. (nimi luka ‘EN/KIN/KAN’ li nimi wan taso).  tp: jan en soweli li moku e kili lp: JAN NI-1 SOWELI NI-2 KILI NI-3 MOKU   tp: jan en soweli li moku e kili lp: JAN NI-1 EN SOWELI NI-2 KILI NI-3 MOKU         nimi pali mute li lon la, o toki e ona ale lon pini toki. jan li ken awen lili lon ona ale. tp: ona li kama li moku li weka lp: ONA KAMA _ MOKU _ WEKA <<< nanpa luka luka wan <<< >>> nanpa luka luka tu wan >>> nanpa ale

 nasin toki pi luka pona nanpa luka luka wan - nimi nimi toki pona la, ijo li jo e nimi nimi la, ona li ijo A. jan Sonja en ma Sonko li jan li ma li jo e nimi nimi. sitelen nanpa wan lon nimi ona li suli. luka pona la, nimi ni li kepeken e sitelen lili luka. tp: jan Sonja lp: JAN ‘S-O-N-J-A’ nasin ante pi sitelen lili luka li ken lon. nasin pi luka tu li lon. tp: ma Sonko lp: MA ‘S-O-N-K-O’     sina ken kama sona e wan taso e tu e mute. sina wile la, sina ken pali e sitelen lili luka sin.  tenpo mute la, jan li kepeken e sitelen lili luka pi luka wan. taso nasin ante li pona li musi.   kulupu mute pi jan pi kute ala la, jan li ken jo e nimi luka. taso kulupu mute la, jan pi kute ala o pana e  ni tawa jan ante. jan kute li ken ala pana. sina jan kute la, o pana ala e nimi luka. o kama sona e nasin  pi kulupu pi jan pi kute ala lon ma sina. sina jan pi kute ala la, o pona lon nasin sina. <<< nanpa luka luka <<< >>> nanpa luka luka tu >>> nanpa ale

nasin toki pi luka pona nanpa luka luka - tenpo toki pona la, tenpo tu wan li lon li ni: “tenpo pini” en “tenpo ni” en “tenpo kama”. luka pona la, ‘TENPO NI’ taso li lon. ‘NI’ li tawa monsi la, ona li sama ‘tenpo pini’. tp: tenpo pini lp: TENPO NI(tawa monsi) ‘NI’ li tawa noka la, ona li sama ‘tenpo ni’. tp: tenpo ni lp: TENPO NI(tawa noka) ‘NI’ li tawa sinpin la, ona li sama ‘tenpo kama’ tp: tenpo kama lp: TENPO NI(tawa sinpin) jan li wile kepeken e nasin pi toki pona la, ni li pona kin. <<< nanpa luka tu tu <<< >>> nanpa luka luka wan >>> nanpa ale

 nasin toki pi luka pona nanpa luka tu tu - nimi luka ‘SEME’ toki pona li toki e ni: “ ni: ”. luka pona li toki e ni: “... SEME …”. tp: jan li toki e ni: “kili pona” lp: JAN NI TOKI SEME: KILI PONA. tp: soweli li pilin e ni: ike li lon. lp: SOWELI NI PILIN SEME: IKE LON taso jan li toki e toki pi jan ante la, jan li ken sama jan ante lon sijelo sina. ni la, nimi luka ‘SEME’ li ken lon li ken weka. tp: jan lili li toki e ni: “mi wile moku”  lp: JAN LILI NI TOKI: MI MOKU WILE (lukin e sewi) <<< nanpa luka tu wan <<< >>> nanpa luka luka >>> nanpa ale

 nasin toki pi luka pona nanpa luka tu wan - toki pi wile sona toki pona la, nasin tu wan pi toki pi wile sona li lon li ni: “... seme” en “anu seme.” en “ nimi pali ala nimi pali ” jan li ken kepeken e ni ale lon luka pona taso nasin ante li lon kin. luka pona la, nasin tu li lon li ni: nimi luka ‘SEME’ en (sinpin pi pilin nasa). tenpo ale pi toki pi wile sona la, nimi luka ‘SEME’ li nimi luka nanpa pini lon toki. tp: sina lon ma seme? lp: SINA MA LON SEME tp: sina pali e seme? lp: SINA PALI SEME lukin nasa li lon sinpin jan la, jan li wile sona e ni: “ni li lon ala lon?”. tp: sina pali ala pali? lp: SINA PALI(?)   tp: sina moku e kili mi anu seme? lp: SINA KILI MI NI MOKU(?) ante la, jan li ken tawa e lawa ona tawa poka wan taso. ni li sama lukin nasa. tp: sina wile ala wile moku? lp: SINA MOKU WILE (?) <<< nanpa luka tu <<< >>> nanpa luka tu tu >>> nanpa ale

 nasin toki pi luka pona nanpa luka tu - ala nimi luka ‘ALA’ li ken lon li ken weka. nimi lili ale li ken weka. ona li lon la, ona lon la, ona li sama nimi ‘ala’ pi toki pona. tp: jan li pona ala lp: JAN NI PONA ALA jan li weka e ona la, jan li ken tawa e lawa tawa poka tu li ken lukin ike lon sinpin ona. tp: kili ni li pona ala lp: KILI NI PONA(ala) <<< nanpa luka wan <<< >>> nanpa luka tu wan >>> nanpa ale

 nasin toki pi luka pona nanpa luka wan - a en mute toki pona la, jan li wile wawa e toki li wile toki e pilin la, ona li toki e ni: “a”. luka pona la, nimi ‘a’ li lon ala. jan li wile wawa e toki la, ona li tu ( jasima ) e luka ona. ona li kepeken e luka tu. tp: ni li pona a lp: NI PONA(kpk wawa, luka 2) toki pona la, mute li ken nanpa e ijo li ken wawa e ona. luka pona la, jan li ken kepeken e nimi luka ‘MUTE’. ante la, jan li ken toki mute e nimi sama. tp: jan mute li pali lp: JAN JAN JAN JAN JAN NI PALI tp: ijo ni li jaki mute. lp: IJO NI JAKI JAKI JAKI nimi ijo li ken mute. nimi kule li ken mute. ni tu li pona. tp: ijo ante mute li lon lp: IJO IJO IJO LON. NI ANTE. tp: ijo ante mute li lon lp: IJO ANTE ANTE ANTE LON <<< nanpa luka <<< >>> nanpa luka tu >>> nanpa ale