nasin toki pi luka pona: nanpa luka luka - tenpo

nasin toki pi luka pona

nanpa luka luka - tenpo

toki pona la, tenpo tu wan li lon li ni: “tenpo pini” en “tenpo ni” en “tenpo kama”.

luka pona la, ‘TENPO NI’ taso li lon.

‘NI’ li tawa monsi la, ona li sama ‘tenpo pini’.

tp: tenpo pini

lp: TENPO NI(tawa monsi)

‘NI’ li tawa noka la, ona li sama ‘tenpo ni’.

tp: tenpo ni

lp: TENPO NI(tawa noka)

‘NI’ li tawa sinpin la, ona li sama ‘tenpo kama’

tp: tenpo kama

lp: TENPO NI(tawa sinpin)

jan li wile kepeken e nasin pi toki pona la, ni li pona kin.

<<< nanpa luka tu tu <<<

>>> nanpa luka luka wan >>>

nanpa ale