o musi lon toki pona!

 o musi toki lon nasin pi leko pona!

toki pona li musi la, musi toki li pona la, sina wile la, o musi lo nasin pi leko pona!

jan mute li musi toki lon nasin mute. nasin 'DnD' li lon. nasin 'Pathfinder' li lon. jan mute li pali e nasin sin kin pi ona taso!

nasin lili li ni: nasin 'Role For Shoes'. ona li lili taso li ken lon lipu wan. mi toki pona e ona la, mi nimi "leko pona" e ona tan ni: nimi "pona" li ken kon "simple" kin. ni la, ona li nasin pi leko pona li musi toki pi leko nimi.

ona li ni:

musi toki pi leko pona

ijo la,

mi li ni: [o sitelen] (sitelen ni li ante ala e musi) 

ken mi li ni:

- mi pali (wawa 1) 

namako mi li ni: 0

jan lon musi la,

•  sina ken tawa.
• sina wile pali la, o lukin e ken sina. o anu e ken o lukin e wawa ona.
• nanpa wawa la, nanpa ni li sama mute pi leko nanpa.
• o sike e leko nanpa. o lukin e nanpa ona. o wan e nanpa pi ona ale.
• jan ante anu jan lawa li sike e leko nanpa ona pi ken ona li wan e nanpa. jan lawa li ken anu e nanpa pi wawa ken ona. 
• nanpa sina li suli la, nanpa ona li lili la, wile sina li lon. pali sina li kama lon.
• leko nanpa ale sina li suli suli la, sina ken sin anu suli e wawa ken ante. sina ken sitelen e ken sin sina. ken sin li sama pali sina li ken ante lili taso. (sina ken ala suli e wawa ken [mi pali].)
• nanpa sina li lili la, nanpa ona li suli la, wile sina li lon ala. pali sina li kama lon ala. o kama jo e namako 1.
• sina ken namako e leko nanpa la, ona li kama nanpa suli suli. o weka e namako 1.

jan lawa la, 

• o toki e ma e ijo e pali e ale.
• o anu e nanpa pi leko nanpa. D6 anu D8 anu D10 anu D20 anu ale ante kin li pona.
• jan lon musi li wile pali la, pali ni li kama ante e jan ante lon musi. ona tu li sike e leko nanpa. pali ni li kama ante e jan ante ala lon musi la, sina en ona li sike e nanpa. o anu e nanpa pona pi wawa ken sina.
• pali wile jan li kama lon li kama lon ala la, o toki e kama.
• ijo lon musi li wile pali e ijo la, pali ni li kama ante e jan ante lon musi la, sina en ona li sike e leko nanpa. pali ni li kama ante e ijo lon musi la, sina ken leko nanpa lon wile sina. taso sina wile ala la, o toki e kama pi ijo tu ni.

mi sona ala e tan pi nasin 'Role For Shoes'. mi toki pona e lipu ni: lipu Role For Shoes lon ilo Github. mi ante lili e ona. sina wile ante kin e ni la, o pona lon nasin sina. o pona :)