nasin toki pi luka pona: nanpa luka - o

 nasin toki pi luka pona

nanpa luka  - o

nimi luka ‘O’ li ken lon li ken weka. nimi lili ale li ken weka. ona li lon la, ona li lon tenpo nanpa tu.

tp: o moku

lp: MOKU O

 

tp: ona o telo e ilo ona

lp: ONA ILO ONA TELO O

jan li weka e ona la, nasin tu li lon -

nasin nanpa wan li ni: jan li wile toki e ni: “o X” la, o wawa e luka sina o toki kepeken wawa mute.

tp: o pali

lp: PALI(!)(kpk wawa)

nasin nanpa tu: jan li toki e ni: “jan A o.” la, o kama e lukin ona kepeken tawa luka anu ni: “LUKIN”.

tp: jan A o, sina pona.

lp: JAN ‘A’ (tawa mute luka). SINA PONA.

tp: jan A o, sina pona.

lp: (tawa mute luka) JAN ‘A’. SINA PONA.

tp: jan A o, sina pona.

lp: JAN ‘A’. LUKIN(tawa mi). SINA PONA.

jan li lukin ala mute e jan la, jan li ken kepeken e ni ale -

tp: jan A o, sina pona.

lp: (tawa mute luka) JAN ‘A’ (tawa mute luka). SINA LUKIN(kpk wawa). SINA PONA.

 

kin la, jan li wile la, ona li ken weka e ni: “JAN ‘A’” li ken toki taso e "(tawa mute luka) LUKIN(tawa mi)"

<<< nanpa tu tu <<<

>>> nanpa luka wan >>>

nanpa ale